როგორც წესი, სასაუბრო ინგლისურის დონე უფრო რთულად ვითარდება ვიდრე ენის სხვა კომპონენტები. ამის მთავარი მიზეზი ჩვენს ყოველდღიურ ცხოვრებაში საუბრის პრაქტიკის არქონაა. სასაუბრო ინგლისურის ექსპრეს კურსი არის ადამიანებისთვის, ვინც გარკვეულ დონეზე იცის ინგლისური, მაგრამ ამ დონის შესაბამისად ვერ საუბრობს პრაქტიკის ნაკლებობის გამო.
კურსის მიზანი
კურსი ორიენტირებულია თანამედროვე გამოყენებითი სასაუბრო ინგლისურის სწავლებაზე და მისი მთავარი მიზანია ჩვენი მოსწავლეებისთვის უცხო ენაზე საუბრის კომპლექსის მოხსნა, ბარიერების გადალახვა და ინგლისურად თავისუფლად ალაპარაკება მათი დონის შესაბამისად.
სასაუბრო ინგლისურის ექსპრეს კურსი არ არის მათთვის, ვისაც სურს თითოეული დონის საფუძვლიანი გავლა, გრამატიკისა და ლექსიკის ცოდნის დონის გაუმჯობესება და შემდეგ სასწავლო დონეზე გადასვლა. ამ კურსის მიზანი, ახალი ცოდნის მიღებაზე მეტად არის არსებული პასიური ცოდნის გააქტიურება და პრაქტიკაში გადმოტანა.
მასწავლებლები
სასაუბრო ინგლისურის ექსპრეს კურსს უძღვებიან მხოლოდ ინგლისურენოვანი (native speaker) მასწავლებლები ამერიკიდან, ბრიტანეთიდან და სამხრეთ აფრიკიდან. გამოცდილება გვიჩვენებს, რომ სტუდენტებისთვის უფრო მარტივია ინგლისურ ენასთან დაკავშირებული კომპლექსების და ბარიერების მოხსნა უცხოელ მასწავლებელთან.
სასწავლო მასალები და მეთოდოლოგია
სასაუბრო ინგლისურის ექსპრეს კურსი მოიცავს მრავალფეროვან თემატურ გაკვეთილებს, რომლებშიც შეხვდებით ახალ სიტყვებს და ფრაზებს, სასაუბრო აქტივობებს, თემატურ დისკუსიებს, სიმულაციურ როლურ თამაშებს, ვიდეოებს, უახლეს სტატიებს და სხვა მასალებს.
კურსი გასაკუთრებით მდიდარია თემატური ლექსიკით. თითოეული დონე მოიცავს 2000-ზე მეტ ახალ სიტყვას, ფრაზას, ფრაზულ ზმნასა და იდიომას, რომლებიც საჭიროა ყოველდღიური კომუნიკაციისთვის ინგლისურ ენაზე.
გაკვეთილზე ნასწავლი სიტყვების და ფრაზების უკეთ დამახსოვრების მიზნით, ვიყენებთ თანამედროვე აპლიკაციას მეხსიერების ბარათებით (flashcards). აპლიკაცია იყენებს ინტერვალური გამეორების ჭკვიან ალგორითმს (spaced repetition algorithm), რომელიც ეფუძნება კოგნიტური მეცნიერების კვლევებს მეხსიერების შესახებ. ალგორითმი აანალიზებს თქვენს პასუხებს და განსაზღვრავს, რა ინტერვალებით და რამდენჯერ გაგამეორებინოთ კონკრეტული სიტყვები და ფრაზები, სანამ არ უზრუნველყოფს მათ გრძელვადიან მეხსიერებაში შენახვას.
AI აპლიკაცია საუბრის პრაქტიკისთვის
გაკვეთილის გარეთ სასაუბრო უნარების გასავარჯიშებლად ვიყენებთ AI აპლიკაციას, რომელიც სპეციალურად უცხო ენაზე საუბრის პრაქტიკისთვისაა შექმნილი. აპლიკაციაში შესაძლებელია ხელოვნურ ინტელექტთან საუბარი ჩატის, სატელეფონო ზარის ან დებატების რეჟიმში. სტუდენტებს ასევე აქვთ შესაძლებლობა, ესაუბრონ ისტორიულ და გამოგონილ პერსონაჟებს სხვადასხვა თემებზე. როლური თამაშების რეჟიმში მოსწავლეებს შეუძლიათ გაკვეთილზე გავლილი მასალა გაივარჯიშონ სხვადასხვა რეალურთან მიახლოებულ ცხოვრებისეულ სიტუაციებში (მაგალითად, ექიმთან ვიზიტი, საყიდლებზე სუპერმარკეტში, მეგობართან კამათი, სასტუმროს დაჯავშნა და სხვა).
აპლიკაცია მოსწავლეს უსწორებს შეცდომებს და სთავაზობს მას წინადადების უკეთეს ალტერნატივებს. რაც მთავარია, ხელოვნური ინტელექტი არასდროს განსჯის სტუდენტს დაშვებული შეცდომების გამო და ქმნის უსაფრთხო გარემოს საუბრის კომპლექსის მოსახსნელად.
კურსის დეტალები
- კურსის ხანგრძლივობა: 2 თვე (36 საათი)
- ჯგუფში სტუდენტების რაოდენობა: 6-7 სტუდენტი
- გაკვეთილების რაოდენობა კვირაში: 3
- გაკვეთილის ხანგრძლივობა: 1.5 საათი
- სასწავლო დონეები: B1, B1+, B2 და C1
- მასწავლებლები: ინგლისურენოვანი (native speaker)
- ფორმატი: სკოლაში ან ონლაინ
- სრული კურსის ფასი: 760 ₾ | კურსზე მოქმედებს 0%-იანი განვადება
- სასწავლო მასალების ფასი: შედის კურსის საფასურში
მოსწავლეების შეფასებები
“კურსის გავლის შემდეგ ბევრად თავდაჯერებული ვარ, როგორც თეორიულ, ისე პრაქტიკულ ნაწილში, რაც ბექას სკოლის სწავლების მეთოდებმა და პედაგოგების მიდგომებმა განსაზღვრა.”
“მოკლე დროში ინგლისურის პრაქტიკული გამოყენება ჩემთვის ყველაზე მნიშვნელოვანი იყო. სწორედ ამას მივაღწიე ამ კურსის დახმარებით. ინტენსიური გაკვეთილები და მუდმივი კომუნიკაცია დამეხმარა, სწრაფად გამემტკიცებინა საუბრის უნარი და დამეძლია ენის ბარიერი.”
“წესებს და გრამატიკას ყველგან გასწავლიან, მაგრამ აქ მთავარია საუბარი! ამ კურსმა რეალურ ცხოვრებაში კომუნიკაციის უნარი მომცა, რაც ჩემს პროფესიულ განვითარებაშიც დამეხმარა.”
“კურსის გავლის შემდეგ ბევრად თავდაჯერებული ვარ, როგორც თეორიულ, ისე პრაქტიკულ ნაწილში, რაც ბექას სკოლის სწავლების მეთოდებმა და პედაგოგების მიდგომებმა განსაზღვრა.”
“მოკლე დროში ინგლისურის პრაქტიკული გამოყენება ჩემთვის ყველაზე მნიშვნელოვანი იყო. სწორედ ამას მივაღწიე ამ კურსის დახმარებით. ინტენსიური გაკვეთილები და მუდმივი კომუნიკაცია დამეხმარა, სწრაფად გამემტკიცებინა საუბრის უნარი და დამეძლია ენის ბარიერი.”
“წესებს და გრამატიკას ყველგან გასწავლიან, მაგრამ აქ მთავარია საუბარი! ამ კურსმა რეალურ ცხოვრებაში კომუნიკაციის უნარი მომცა, რაც ჩემს პროფესიულ განვითარებაშიც დამეხმარა.”
კურსზე რეგისტრაცია
დარეგისტრირდი კურსზე ან პირდაპირ გაიარე ცოდნის დონის დასადგენი ტესტი და ჩვენ უახლოეს დღეებში დაგიკავშირდებით.
