ბექა ბერიკაშვილი არის ინგლისურის მასწავლებელი, რომელსაც აქვს ქართველებისთვის ინგლისურის სწავლების თხუთმეტწლიანი გამოცდილება. ბექა ცნობილია თავისი ინოვაციური და შემოქმედებითი მიდგომებით ინგლისურის სწავლებისადმი. გარდა გრამატიკის ღრმა ცოდნისა, მას აქვს უნარი, კომპლექსური ცნებები სახალისოდ, მარტივად და გასაგებად გააცნოს ნებისმიერ დონეზე მყოფ სტუდენტებს, რის გამოც ის ერთ-ერთი ყველაზე პოპუ-ლარული მასწავ ლებელია საქართველოში და ჰყავს ასობით ათასი მიმდევარი სოციალური მედიის პლატფორმებზე.

ბენ მილერი ამერიკელი ლინგვისტი და ინგლისურის მასწავლებელია, რომელსაც საქართველოსა და ბევრ სხვა ქვეყანაში ინგლისური ენის სწავლების მრავალწლიანი გამოცდილება აქვს. ბენს ტიპური ამერიკული დამოკიდებულება აქვს ინგლისურ ენასთან და მის გრამატიკასთან – მისთვის ენა მუდმივად ცვალებადი და ცოცხალია. ამიტომ მნიშვნელოვნად მიაჩნია, ისეთი გრამატიკა ასწავლოს, როგორიც ყოველდღიურ სასაუბრო ინგლისურში გამოიყენება. ბენი ასევე შესანიშნავად ფლობს ქართულ ენას, რომლის შესწავლა ჯერ კიდევ ინდიანას უნივერსიტეტ-ში დაიწყო პროფესორ დოდონა კიზირიას ხელმძღვანელობით. სწორედ ქართული ენის სიყვარულმა ჩამოიყვანა იგი საქართველოში 2010 წელს და მას შემდეგ უამრავ ქართველს ასწავლა ინგლისური ენა.