“ბექას სკოლის” სასაუბრო ინგლისურის კურსი შექმნილია იმისთვის, რომ სტუდენტებმა გაიუმჯობესონ ინგლისურად საუბრის უნარები სამსახურეობრივი ან აკადემიური მიზნებისთვის. კურსი არ შემოიფარგლება მხოლოდ საუბრის პრაქტიკით. ის ასევე ავითარებს ყველა იმ უნარს, რომლებიც საჭიროა მკაფიო, ეფექტური და თავდაჯერებული კომუნიკაციისთვის.
კურსის მიზანი
კურსის მიზანი საუბრის დახვეწასთან ერთად არის კრიტიკული აზროვნების და ინგლისური ენის ეფექტურად გამოყენების უნარების განვითარება. კურსი ასევე ყურადღებას ამახვილებს გამოთქმაზე, ყოველდღიური საუბრისთვის საჭირო გრამატიკაზე, ლექსიკის გამდიდრებაზე, აქტიურ მოსმენასა და პრეზენტაციის უნარებზე – ყველაფერზე, რაც აუცილებელია როგორც პროფესიულ, ისე არაფორმალურ გარემოში თავდაჯერებული კომუნიკაციისთვის.
მასწავლებლები
კურსს უძღვებიან ინგლისურენოვანი (native speaker) მასწავლებლები ამერიკიდან, ბრიტანეთიდან და სამხრეთ აფრიკიდან, რომლებსაც კარგად ესმით ის გამოწვევები, რაც ინგლისურის სწავლისას ხვდებათ სტუდენტებს. უცხოელ მასწავლებლებთან სწავლა ქმნის ისეთ გარემოს, რომელიც უბიძგებს სტუდენტებს, მუდმივად იფიქრონ და ისაუბრონ ინგლისურად, რაც ეხმარება მათ თავდაჯერებულობის გამომუშავებაში.
კურსის მეთოდოლოგია
კურსის მეთოდოლოგია ეფუძნება ბენჯამინ ბლუმის მიერ შექმნილ აზროვნების დონეების სისტემას, რომელიც აღწერს სწავლის პროცესში განვითარებული კოგნიტური უნარების დონეებს – დამახსოვრებიდან შემოქმედებით აზროვნებამდე. სისტემა გამოყოფს ექვს დონეს: დამახსოვრება, გაგება, გამოყენება, ანალიზი, შეფასება და შექმნა.
ამ კურსზე სტუდენტები მუშაობენ ბლუმის სისტემის ყველა დონეზე. ისინი იწყებენ ძირითადი ინფორმაციის დამახსოვრებითა და გაგებით, შემდეგ კი ამ ცოდნას იყენებენ რეალურ სიტუაციებში. კურსის მსვლელობისას, სტუდენტები აანალიზებენ კომპლექსურ იდეებს, აფასებენ ინფორმაციას და აყალიბებენ ახალ იდეებსა თუ გადაწყვეტილებებს. ასეთი მიდგომა გვეხმარება სწავლა უფრო ეფექტური გავხადოთ. ნაცვლად იმისა, რომ მხოლოდ ინფორმაცია დავიზეპიროთ, ჩვენ ვსწავლობთ როგორ გავიაზროთ, გავაანალიზოთ და გამოვიყენოთ მიღებული ცოდნა რეალურ ცხოვრებაში.
სასწავლო მასალები
სასაუბრო ინგლისურის კურსისთვის ვიყენებთ კემბრიჯის ამერიკული ინგლისურის სახელმძღვანელოს Prism და სასწავლო პლატფორმას Cambridge One. პლატფორმა ელექტრონული წიგნის, ვიდეოების და მოსასმენი ფაილების გარდა მოიცავს Digital Workbook-ს, რომელიც თანამედროვე მიდგომებითაა შექმნილი. ტრადიციული დავალებებისგან განსხვავებით, ის ინტერაქციულ ელექტრონულ სავარჯიშოებს მოიცავს, რომლის შესრულებაც მოსწავლეს ნებისმიერ დროს შეუძლია ტელეფონიდან ან ლეპტოპიდან. სავარჯიშოების გაკეთების შემდეგ, სწორ პასუხებს პლატფორმა ავტომატურად აჩვენებს მოსწავლეს და, შეცდომების შემთხვევაში, მიუთითებს, რა მასალის გამეორება სჭირდება. Speaking-ის დავალებებიც პლატფორმაზე სრულდება და სტუდენტი მასწავლებლისგან უკუკავშირს იქვე იღებს.
მასწავლებლებს შეუძლიათ რეალურ დროში თვალი ადევნონ სტუდენტების აქტივობას – რამდენ დროს ატარებენ პლატფორმაზე, როგორ ასრულებენ დავალებებს, რა შედეგებს აჩვენებენ, რა უჭირთ და სად სჭირდებათ დამატებითი დახმარება.
კურსის დეტალები
- კურსის ხანგრძლივობა: 3 თვე (54 საათი)
- ჯგუფში სტუდენტების რაოდენობა: 6-7 სტუდენტი
- გაკვეთილების რაოდენობა კვირაში: 3
- გაკვეთილის ხანგრძლივობა: 1.5 საათი
- სასწავლო დონეები: B1, B1+, B2 და C1
- მასწავლებლები: ინგლისურენოვანი (native speaker)
- ფორმატი: სკოლაში ან ონლაინ
- სრული კურსის ფასი: 1050 ₾ | კურსზე მოქმედებს 0%-იანი განვადება
- სასწავლო მასალების ფასი: 60 ₾
მოსწავლეების შეფასებები
“ჩემი მიზანი იყო თავისუფლად მესაუბრა და მეფიქრა ინგლისურად, რაშიც ეს კურსი ძალიან დამეხმარა. მთელი გაკვეთილის განმავლობაში ინგლისურად საუბრობ და თანდათან გრძნობ, როგორ გეხსნება დაძაბულობა.”
“ჩემთვის პროგრესი ძალიან სწრაფი იყო. ეს კურსი ძალიან გეხმარება, რომ დააწიო შენი სასაუბრო პრაქტიკა შენი ინგლისურის ცოდნის ბაზისს.”
“ბექას სკოლაში გაკვეთილები ინტერაქტიული და პრაქტიკაზე ორიენტირებულია, რაც დამეხმარა, რომ ინგლისური რეალურ კომუნიკაციაში გამომეყენებინა. საუბრის ფორმატში სწავლა მაძლევდა საშუალებას, უფრო თავდაჯერებულად მესაუბრა.”
“ჩემი მიზანი იყო თავისუფლად მესაუბრა და მეფიქრა ინგლისურად, რაშიც ეს კურსი ძალიან დამეხმარა. მთელი გაკვეთილის განმავლობაში ინგლისურად საუბრობ და თანდათან გრძნობ, როგორ გეხსნება დაძაბულობა.”
“ჩემთვის პროგრესი ძალიან სწრაფი იყო. ეს კურსი ძალიან გეხმარება, რომ დააწიო შენი სასაუბრო პრაქტიკა შენი ინგლისურის ცოდნის ბაზისს.”
“ბექას სკოლაში გაკვეთილები ინტერაქტიული და პრაქტიკაზე ორიენტირებულია, რაც დამეხმარა, რომ ინგლისური რეალურ კომუნიკაციაში გამომეყენებინა. საუბრის ფორმატში სწავლა მაძლევდა საშუალებას, უფრო თავდაჯერებულად მესაუბრა.”
კურსზე რეგისტრაცია
დარეგისტრირდი სასაუბრო ინგლისურის კურსზე ან პირდაპირ გაიარე ცოდნის დონის დასადგენი ტესტი და ჩვენ უახლოეს დღეებში დაგიკავშირდებით.
