კემბრიჯის გამოცდებისთვის მოსამზადებელი კურსი შექმნილია იმ სტუდენტებისთვის, რომლებსაც სურთ საერთაშორისო ინგლისური ენის სერტიფიკატის მიღება და გამოცდაზე მაღალი შედეგის დაფიქსირება. კურსი ორიენტირებულია იმ კონკრეტული სტრატეგიების ათვისებაზე, რომლებიც აუცილებელია საგამოცდო ბარიერის წარმატებით გადასალახად.
კურსის მიზანი
კემბრიჯის საერთაშორისო სერტიფიკატები (Cambridge English Qualifications) ინგლისური ენის ცოდნის ერთ-ერთი ყველაზე პრესტიჟული და სანდო დადასტურებაა მთელ მსოფლიოში. IELTS, TOEFL და სხვა საერთაშორისო სერტიფიკატებისგან განსხვავებით, კემბრიჯის სერტიფიკატს ვადა არ გასდის და ის მთელი ცხოვრების განმავლობაში რჩება შენი აკადემიური თუ პროფესიული მიღწევების მყარ გარანტად. კემბრიჯის სერტიფიკატის მისაღებად გამოცდები ბარდება სხვადასხვა დონეზე. ამჟამად მიღება მიმდინარეობს ორი ყველაზე მოთხოვნადი დონის გამოცდისთვის მოსამზადებელ კურსებზე — B2 First (FCE) და C1 Advanced (CAE).
კურსის მიზანი
კურსის მიზანია, სტუდენტები მოამზადოს გამოცდის ოთხივე კომპონენტისთვის:
- Reading & Use of English: ისწავლი, როგორ გაამკლავდე რთულ აკადემიურ ტექსტებს, როგორ ამოიცნო გრამატიკული “ხაფანგები” და როგორ გამოიყენო ლექსიკა ზუსტად იქ, სადაც საჭიროა. გასწავლით დროის ეფექტურ მართვას, რაც ამ სექციაში გადამწყვეტია.
- Writing: ისწავლი არგუმენტირებული ესეების, ოფიციალური რეპორტების, წერილებისა და შეთავაზებების წერას ისე, რომ დააკმაყოფილო კემბრიჯის მკაცრი კრიტერიუმები.
- Listening: გაიწაფები სხვადასხვა აქცენტისა და ტემპის მქონე აუდიო მასალების აღქმაში. ისწავლი მთავარი აზრისა და დეტალების სწრაფად დაჭერას, მაშინაც კი, როცა მოსაუბრეები რთულ კონსტრუქციებს იყენებენ.
- Speaking: ეს ყველაზე დინამიკური ნაწილია. ჩვენთან გაივლი იმიტირებულ ინტერვიუებს, სადაც ისწავლი პარტნიორთან ინტერაქციას, არგუმენტირებულ მსჯელობასა და საკუთარი აზრის სტრუქტურირებულად გამოხატვას.
სასწავლო მასალები და მეთოდოლოგია
გამოცდაზე მაღალი ქულის მიღება სწორი სტრატეგიისა და ფსიქოლოგიური მზაობის შედეგია. ენის მაღალ დონეზე ფლობასთან ერთად, აუცილებელია იცოდე, როგორ მუშაობს თავად ტესტი. კურსის მეთოდოლოგიის მთავარი საყრდენი საგამოცდო სტრატეგიების ათვისება და იმ პრაქტიკული უნარების განვითარებაა, რომლებიც აუცილებელია თითოული მოდულის კარგად დასაწერად. ამ უნარების რეალურ პირობებში გამოსაცდელად, კურსი მოიცავს რეგულარულ სიმულაციურ გამოცდებს (Mock Exams). სრული საგამოცდო ფორმატის დაწერა ეხმარება სტუდენტებს დროის ლიმიტთან შეგუებაში, სტრესის დაძლევასა და საკუთარი ძალების ობიექტურად შეფასებაში.
კურსის მთავარ სასწავლო რესურსად ვიყენებთ კემბრიჯის ოფიციალურ სახელმძღვანელოს – Compact. ეს სახელმძღვანელო იდეალურია ინტენსიური, ფოკუსირებული სწავლებისთვის და ზუსტად მიჰყვება საგამოცდო ტესტის სტრუქტურას.
სახელმძღვანელოსთან ერთად, სასწავლო პროცესში სრულად არის ინტეგრირებული Cambridge One სასწავლო პლატფორმა. ეს ინოვაციური ციფრული ეკოსისტემა საშუალებას გაძლევთ, გქონდეთ მუდმივი წვდომა მსოფლიო დონის სასწავლო რესურსებზე ნებისმიერი მოწყობილობიდან. პლატფორმა აერთიანებს აუდიო-ვიდეო მასალებს, ინტერაქტიულ სავარჯიშოებსა და საგამოცდო ტესტების სიმულაციებს.
კურსის დეტალები
- კურსის ხანგრძლივობა: 3 თვე (54 საათი)
- ჯგუფში სტუდენტების რაოდენობა: 6-7 სტუდენტი
- გაკვეთილების რაოდენობა კვირაში: 3
- გაკვეთილის ხანგრძლივობა: 1.5 საათი
- სასწავლო დონეები: B2 და C1
- ფორმატი: ონლაინ
- სრული კურსის ფასი: 1140 ₾ | კურსზე მოქმედებს 0%-იანი განვადება
კურსზე რეგისტრაცია
დარეგისტრირდი კურსზე ან პირდაპირ გაიარე ცოდნის დონის დასადგენი ტესტი და ჩვენ უახლოეს დღეებში დაგიკავშირდებით.
