ალია უკვე 2 წელია ჩვენი მასწავლებელია.

გარდა ინგლისურის სწავლებისა, ალიას ასევე უყვარს კერამიკაზე მუშაობა და უსახლკარო ფისუნებზე ზრუნვა. მას ასევე აქვს არასამთავრობო ორგანიზაცია ქვიარი ქალებისთვის.

ადამიანებს თავს უმეტესად მაკიაჟით და ქართულად ძალიან საყვარლად საუბრით ამახსოვრებს.

“Beka’s school is the only place I think I will ever feel happy in a work environment. The other teachers, the students, the management being so understanding and hardworking, and the ability to be completely myself… there is nowhere like it.”

ელისონი ბექას სკოლის კალიფორნიელი მასწავლებელია და ზუსტად ისეთი აქცენტი აქვს თქვენს საყვარელ ამერიკულ ფილმებსა და სერიალებში რომ გესმით ხოლმე.

ელისონს ძალიან უყვარს მოგზაურობა და ახალ ადამიანებთან შეხვედრა და არაერთ ქვეყანაში უსწავლებია ინგლისური, თუმცა ამჯერად არჩევანი საქართველოზე შეაჩერა, ვინაიდან ძალიან მოსწონს ჩვენი ბუნება.

თუ გინდა, რომ შენი საყვარელი კალიფორნიული აქცენტი დაამუღამო, მაშინ ექსპრეს კურსზე ელისონთან უნდა დაიწყო სიარული.

ამანდა კალიფორნიიდანაა, თუმცა, სამხედრო ოჯახიდან გამომდინარე, ბავშვობის უმეტესობა ამერიკას, გერმანიასა და ოკინავას ულამაზეს სანაპიროებს შორის გაატარა.

ჩიკაგოს უნივერსიტეტის დასრულებისთანავე, მუშაობა მან საგანმანათლებლო და ახალგაზრდების განვითარების მიმართულებით დაიწყო, რამაც Peace Corp პროგრამისკენ უბიძგა და საქართველოში ჩამოიყვანა.

ამანდამ ბოლო 2 წელი იმერეთში გაატარა, სადაც ადგილობრივ სკოლაში ბავშვებს ინგლისურს ასწავლიდა, ხოლო მასწავლებლებს ეხმარებოდა ინგლისურის სწავლების მეთოდოლოგიის დახვეწაში. დღეს კი, ის “ტელესკოლას” ერთ-ერთი საყვარელი მასწავლებელია.

ამანდა “ბექას სკოლაში” ბავშვების და თინეიჯერების მიმართულებას უძღვება!

რაც არ უნდა გასაკვირი იყოს, ბექა ყველაზე ძველი მასწავლებელია ბექას სკოლაში. წლების განმავლობაში ბევრი პროფესია მოირგო, ისწავლა ეპიდემიოლოგია და გრაფიკული დიზაიანი, მაგრამ ამერიკიდან ჩამოსვლის შემდეგ გადაწყვიტა ინგლისურის მასწავლებელი გამხდარიყო და თავის ამერიკელ თანამასწავლებელთან ერთად მოსწავლეების სახლში მომზადება დაიწყო.

ბევრი მუშაობის შედეგად ბექამ შექმნა ინგლისურის სწავლების საკუთარი მეთოლოგია და 3 წლის წინ გადაწყვიტა ამ პროცესისთვის უფრო სერიოზული და მასშტაბური სახე მიეცა და ასე დაარსდა ბექას სკოლა.

დღეს ბექა უკვე სპეციალურად ქართველებისთვის შექმნილი გრამატიკის სახელძღვანელოს ავტორია, რომელიც ნოემბრის ბოლოს გამოიცემა.

ეს კრისია ჩვენი ახალი მასწავლებელი მანჩესტერიდან. ახალგაზრდობის უმეტესი ნაწილი ჯარში აქვს გატარებული, რამაც ძალიან შეაყვარა სხვადასხვა ქვეყნებში მოგზაურობა და ახალი ადამიანებისა თუ კულტურების გაცნობა. მოგზაურობის დროს ისიც აღმოაჩინა, რომ სწავლება და მოგზაურობა ერთად, მისთვის ყველაზე სასიამოვნო კომბინაციაა.

ის უკვე 3 წელია ინგლისურს ასწავლის, როგორც ბრიტანეთში, ასევე სხვა ქვეყნებშიც, ონლაინ.

კრისს ძალიან ახარებს თავისი სტუდენტების პროგრესი და მთელი გულით ელოდება ახალ სტუდენტებთან შეხვედრას.

დეივიდი ჩვენი ამერიკელი მასწავლებელია. ის 24 წელი ამერიკის ჯარში მსახურობდა, ამ პერიოდში ბაკალავრიატის და მაგისტრატურის დამთავრებაც მოასწრო. უკვე 5 წელია, რაც ჯარი დატოვა, TEFL საერთაშორისო სერტიფიკატი მიიღო და ინგლისურის სწავლება დაიწყო. ამ პერიოდში ის ჩინეთში ასწავლიდა ინგლისურს. ძალიან მოსწონს თბილისში ცხოვრება და განსხვავებული კულტურის და ხალხის გაცნობა.

ელენე ბექას სკოლის ქართველი მასწავლებელია. წლებია ინგლისურს ასწავლის და სწავლების სერთიფიკატების მთელი დასტა აქვს. როგორც თავად ამბობს, მისი მეორე პროფესია – ფსიქოლოგია, მოსწავლეებთან კომუნიკაციას უმარტივებს. სწავლების პროცესში ყველაზე მეტად განსხვავებულ ადამიანებთან ურთიერთობა და გამოცდილების გაზიარება სიამოვნებს. ელენეს ყველაზე მეტად ფილმების ყურება და მოგზაურობა უყვარს.

ელენე ჩვენთან ზოგადი ინგლისურის კურსს უძღვება და გრამატიკას და ლექსიკას ასწავლის.

ფლერი, მართალია ფრანგული სახელი აქვს და ყვავილს ნიშნავს, მაგრამ ჩვენი სამხრეთაფრიკელი მასწავლებელია. პირველად 7 წლის წინ ტაილანდში მიხვდა, რომ მასწავლებლობა უნდოდა და მას შემდეგ ეს მის საყვარელ საქმიანობად იქცა. ფლერი საკუთარ თავს მშვიდ მასწავლებლად ახასიათებს, რომელსაც ყველაზე მეტად მოსწავლეების პროგრესის ნახვა ახარებს.

ფლერი ჩვენთან ზოგადი ინგლისურის კურსს უძღვება.

გიორგი ბექას სკოლის ყველაზე ახალგაზრდა მასწავლებელია!

მიუხედავად ასაკისა, მას ინგლისურის სწავლების უკვე დიდი გამოცდილება აქვს, როგორც საქართველოში, ისე ევროპაში.

გიორგი სტუდენტია ამჟამად და სოციალურ და პოლიტიკურ მეცნიერებებს სწავლობს. ამასთან, არასამთავრობო სფეროში მუშაობის მრავალწლიან გამოცდილებასთან ერთად, ის დიდი ხანია, სოციალური აქტივისტიცაა.

ენების სწავლა და სწავლება, საქმიანობის გარდა, მისთვის განტვირთვის ერთ-ერთი საუკეთესო საშუალებაცაა და ამ საქმეს დიდი სიამოვნებით აკეთებს. თუმცა, მოგზაურობა, სხვადასხვა კულტურების და ენების გაცნობა მისი მთავარი ჰობია.

ჰანა ირანის ულამაზესი ქალაქიდან, შირაზიდან არის. ინგლისურის შესწავლა ბავშვობიდან დაიწყო საერთაშორისო სკოლაში. ჩინეთის კულტურის და ენის შესწავლის დიდმა სურვილმა, 18 წლის ასაკში ჩინეთში წაიყვანა. მას შემდეგ იქ ასწავლიდა ინგლისურს. სწავლების თანამედროვე მეთოდების გამოყენება თავისი მენტორისგან ისწავლა, რომელიც მისი TEFL-ის ინსტრუქტორი იყო. ჰანას აზრით სწავლება სახალისო უნდა იყოს, ამიტომ გელით მასთან გაკვეთილზე, სადაც ნამდვილად არ მოიწყენთ.

იაკო ბექას სკოლის ქართველი მასწავლებელია. მას ინგლისური ენის სწავლების დიდი გამოცდილება აქვს. პირველადი პროფესიით იაკო ლექსიკოგრაფია და 5 წლის განმავლობაში მუშაობდა ინგლისურ-ქართული ლექსიკონის რედაქტირებაზე.

იაკო მხიარული, კომუნიკაბელური და მიზანდასახულია, რაც ხშირად უჩენს მოსწავლეებს ინგლისური ენის სწავლის უფრო და უფრო მეტ სურვილს.

იაკო ჩვენთან ზოგადი ინგლისურის კურსს უძღვება და გრამატიკას და ლექსიკას ასწავლის.

კაილი ბექას სკოლის ახალი ამერიკელი მასწავლებელია კალიფორნიიდან ?

კაილი 2009 წლიდან საქართველოში ცხოვრობს. თუ გაგიჩნდათ კითხვა: “რატომ საქართველო?” მისი პასუხი ასეთია: საქართველო ძალიან განსხვავებულია და არ არსებობს მსგავსი ადგილი, მთელ პლანეტაზე.

კაილს ძალიან ბევრი ჰობი აქვს: სირბილი, საინტერესო კერძების მომზადება, მცენარეებზე ზრუნვა, კითხვა, ვიდეო თამაშები, ხატვა, მუსიკის მოსმენა, ფილმების და ანიმეების ყურება და სხვა მრავალი…

კაილთან შეგიძლია ექსპრეს ინგლისურის კურსი გაიარო ონლაინ.

მარი ბექას სკოლის ქართველი მასწავლებელია. ის შეყვარებულია, თავის პროფესიაზე და თვლის, რომ ყველაზე იღბლიანია, რადგან ამ სფეროში მუშაობა ძალიან საინტერესოა. მარის ძალიან უყვარს ადამიანებთან ურთიერთობა, თავგადასავლები და სიახლეები. არის ძალიან მეგობრული და ამის დამსახურებაცაა, რომ ძაააალიან ბევრი მეგობარი ჰყავს. უყვარს ახალი ადამიანების გაცნობა, ამიტომ მასთან ურთიერთობა მოსწავლეებისთვის ორმაგად საინტერესოა. მარის აზრით: “ბექას სკოლა არის ძალიან კარგი ადგილი, თავისი საოცარი გარემოთი და სწავლების უმაღლესი დონით, მოსწავლეებისა და მასწავლებლების ურთიერთობით და ა.შ. გარდა ამისა, არის ყველაზე გემოვნებიანი, ყველაზე “cool” ადგილი მთელს საქართველოში. უბრალოდ, სხვა სიტყვებით როგორ ვთქვა არ ვიცი… “cupcakes and rainbow” არის ჩემთვის. იღბლიანი ვარ რომ ამ ყველაზე ფერადი გუნდის წევრი ვარ.”

ნინი ბექას სკოლაში დამწყებების კურსებს ასწავლის. ძალიან უყვარს ენები, ამიტომ ინგლისურთან ერთად უნივერსიტეტში ფრანგულსაც სიამოვნებით სწავლობდა. მიღებული აქვს Erasmus Mundus-ისა და AIESEC-ის დაფინანსება, რამაც საშუალება მისცა ესწავლა და ემუშავა თავისივე პროფესიით ევროპაში. ნინი ფილოლოგიის მაგისტრია, უფროსი მასწავლებელი და TEFL საერთაშორისო სერთიფიკატის მფლობელი. მასწავლებლობასთან ერთად მუშაობდა მთარგმნელად, რაც დიდ გამოწვევასთან ერთად, საინტერესოც იყო მისთვის. ამჟამად, ბექას სკოლის გარდა, მიწვეული ლექტორია საქართველოს საავიაციო უნივერსიტეტში, სადაც ასწავლის ზოგად და საინჟინრო ინგლისურის კურსებს. ნინის ძალიან უყვარს მოგზაურობა და ახალ გამოწვევებთან გამკლავება.

პატრიკი ბექას სკოლის ამერიკელი მასწავლებელია ლოს ანჯელესიდან. მას ინგლისურის სწავლების სერტიფიკატებთან ერთად, ფსიქოლოგის დიპლომიც აქვს კალიფორნიის უნივერსიტეტიდან, რაც, როგორც თვითონ აღნიშნავს, ინგლისურის სწავლების პროცესში ძალიან ადგება!

მას შემდეგ, რაც ის 22 წლის გახდა, გადაწყვიტა, ამერიკა დაეტოვებინა და ევროპაში ცხოვრება ეცადა. ესპანეთის, ბულგარეთის, სერბიის, უნგრეთის, რუმინეთის და ესტონეთის შემდეგ, აი, საქართველოს ჯერიც დადგა!

პანდემიის პერიოდში საქართველოში ჩამოსულმა, ბექას სკოლა მარტივად იპოვა და თანამშრომლობაც მაშინვე დავიწყეთ. ამ ეტაპზე, პატრიკი ჩვენთან ექსპრეს და ბიზნეს სასაუბრო ინგლისურის კურსებს ასწავლის.

რაილი ბექას სკოლის ამერიკელი მასწავლებელია, კალიფორნიიდან. მას ინგლისურის სწავლების 4 წლიანი გამოცდილება აქვს ჩეხეთსა და რუსეთში. თავისუფალ დროს რაილს ძალიან უყვარს კითხვა, პიანინოზე დაკვრა და თბილისის ულამაზესი ქუჩების მონახულება. ყველაზე სასაცილო ის არის, რომ რაილს მხოლოდ ერთი თვით ჰქონდა გათვილი თბილისში ჩამოსვლა, უგემრიელესი ლობიოს გასინჯვის შემდეგ კი… ყველაფერი შეიცვალა და დარჩენა გადაწყვიტა.

რობი სამხრეთ აფრიკიდან არის და საქართველომდე ინგლისურს ჰონ-კონგში ასწავლიდა. რობს ძალიან უყვარს ინგლისურის სწავლება, მაგრამ არანაკლებ უყვარს საქართველოს შესახებ ახალ-ახალი ინფორმაციების გაცნობა თავისი მოსწავლეებისგან. ამბობს რომ ინგლისურის სწავლებაშიც და სტუდენტებბთან ურთიერთობაშიც ძალიან ეხმარება ფსიქოლოგიის განათლება. ყველაზე მეტად ადამიანებს იუმორით ამახსოვრებს თავს. რობის აზრით, ბექას სკოლა თავისი პროგრესული სწავლებით და ინოვაციური მიდგომებით საუკეთესო ადგილია ინგლისურის სასწავლად და ახალი ადამიანების გასაცნობად.

რობერტი უკვე სამ წელზე მეტია ჩვენთან ასწავლის. მოსწავლეები მოფერებით sunshine-ს ეძახიან (ალბათ მიხვდით რატომ). ის კალიფორნიიდანაა და ამერიკის უნივერსიტეტში მიღებული ცოდნის გარდა, მას ევროპის სხვადასხვა ქვეყნებში ინგლისურის სწავლების 8 წლიანი გამოცდილებაც აქვს.

მისი ჰობია: მოგზაურობა, ახალი ადამიანების გაცნობა, კითხვა, წერა, ცურვა, მუსიკის მოსმენა, სპორტული გადაცემების ყურება და ფეხბურთის თამაში.

“Love Beka’s School! It’s friendly, warm and fun – the best environment to teach and to learn in.”

რასელი ბექას სკოლი ახალი მასწავლებელია ბრიტანეთიდან. ის დიდი ხნის განმავლობაში ასწალიდა ინგლისურს დიდ ბრიტანეთში, ესპანეთსა და სამხრეთ აფრიკაში. რასელი ძალიან დაინტერესებულია მცენარეებით, მწერებით და ა.შ. სწორედ ამიტომ, ინგლისურის სწავლების გარდა უმუშავია მცენარებიის და ხეების გაყიდვების კონსულტანტად და ტექნიკოსად კოლეჯის ლაბორატორიაში. რასელი აღფრთოვანებულია საქართველოში ყოფნით და მოუთმენლად ელის ახალ მოსწავლეებთან შეხვედრას.

ეს სლოუნია, ზოგადი ინგლისურის კურსის მასწავლებელი ამერიკიდან. სამხრეთ კაროლინაში უნივერსიტეტის დასრულების შემდეგ, გინდ დაიჯერეთ გინდ არა, იმერეთში ცხოვრობდა და ადგილობრივ სკოლებში ასწავლიდა ინგლისურს. ამერიკაში Fulbright-ის გრანტის მიღების შემდეგ კი, ბათუმის უნივერსიტეტში ასწავლიდა.

კითხვის და პიანინოზე დაკვრის გარდა სლოუნს ძალიან უყვარს თავისუფალი დროის გატარებას საქართველოს სოფლებში, მეგობრებთან ერთად. ასევე, სლოუნი ცდილობს ქართულის სწავლას, ამიტომ თქვენ თუ ქართულის სწავლაში “წაეხმარებით”, ძალიან გაახარებთ.

თამო ჩვენი სკოლის ერთ-ერთი ქართველი მასწავლებელია. წლებია, რაც ინგლისურ ენას ასწავლის და, შესაბამისად, მოსწავლეებთან ურთიერთობის დიდი გამოცდილება აქვს. მას ძალიან უყვარს თავის პროფესია და, ზოგადად, ენათმეცნიერება.

თამო ბექას სკოლაში დამწყებთათვის განკუთვნილ კურსებს უძღვება.

უილი ჩვენი ამერიკელი მასწავლებელია.

უილს ბევრი ჰობი აქვს, განსაკუთრებით კი ნოველების კითხვა და სტრატეგიული თამაშების თამაში უყვარს და თან მეცნიერების მუზეუმის მრჩეველიცაა!

“I’ve had a lot of fun and definitely enjoy teaching engaged students in a relaxed environment!”